قصة بيت مهجور | الجزء الثاني
وانا بجري ببص ورايا عشان اشوفه لسه بيجري ورايا ولا لا لقيته لسه بيجري ببص قدامي تاني لقيت نفسي بجري في مقابر !!
انا اتنقلت ازاي حاولت اكمل جري زي مانا ومبقاش في حد بيجري ورايا بس بجري عشان اخرج من المقابر فجاه لقيت حد شدني من رجلي وقعت علي الارض وجه وقف فوقيا وايده بتقرب مني وبيغرزها جوا بطني من كتر الوجع اغمي عليا ومحستش بنفسي تاني غير وانا مرمي قدام البيت مع اسلام وعمر وكلنا بنفوق في نفس اللحظه
قومنا وطلعنا نجري بعيد عن البيت ووقفنا بنحكي لبعض اللي حصل معانا اسلام لقي نفسه في مكان فاضي وطلع عليه الكائن دا برضو واول ما قرب منو اسلام اغمي عليه وعمر لقي نفسه في معبد وطلع عليه نفس الشخص واغمي عليه بعدها لما انا حكيتلهم برفع التيشيرت عشان اشوف مكان الايد اللي كانت في بطني ملقتش حاجه !
قررنا نقفل الموضوع ومنتكلمش فيه تاني كأن محصلش اصلا كل واحد روح بيته واحنا علي وشنا الخوف اهلي سألوني مالك قولتلهم مفيش انا بس عايز انام ودخلت اوضتي وعدي كذا يوم طبيعي لدرجة اننا كنا خلاص شبه نسينا اللي حصل
..
بس الغريب اننا جينا في يوم صحينا لقينا نفسنا مرميين برا البيت بنفس طريقة المره اللي فاتت اول ما فوقنا لقينا باب البيت كان مفتوح واتقفل لوحده
طلعنا نجري واحنا بنجري وقفت مقدرتش اكمل جري من ضهري حاسس ان في نار طالعة منو واتمريت علي الارض وبصرخ من كتر الوجع انا واسلام وعمر وفجاة الوجع راح ولقينا علي كل ضهر واحد فينا نجمة مكانها محروق وضهرنا كلو دم وفي وسط النجمه ديه في رسومات صغيره مش فاهمين معناها
كلنا بصينا لبعض وقولنا لازم نحكي لاهلنا علي اللي حصل ولسه هنتحرك من مكانا لقيت عمر بيقول
*محدش هيقول حاجه لحد ومحدش هيروح*
لسه بنقولو يعني ايه وليه اصلا لقيناه بيشدنا وبنرجع ناحية البيت تاني بنحاول نفلت منو ومش قادرين عليه والرسمه اللي في ضهرو شبه منوره وبتطلع دخان فضل واول ماقربنا للبيت الباب اتفتح لوحده ولما دخلنا اتقفل تاني ورجعنا برضو الشقة اللي في الدور التاني وعمر رامنا جوا واغمي عليه
..
وفاق في وقتها ع طول وبيقول *احنا رجعنا هنا تاني ازاي* وبيتكلم بخوف شديد جدا وبيقطع في الكلام
حكيتله علي اللي حصل واحنا خايفين نتحرك من مكانا لتحصل حاجه تاني فضلنا قاعدين فتره لما لقينا مفيش جديد مفيش حاجه بتحصل قومنا كلنا وبنتحرك في البيت واحنا مرعوبين يمكن انا مكنتش خايف اوي لاني كان نفسي اتحط في موقف زي دا قولنا هنسيب البيت ونخرج وبنتحرك بهدوء تام بس
الشخص ظهر قدامنا تاني وبيجري علينا والمرادي قررنا منسيبش بعض ونجري سوا دخلنا اوضة وقفلنا الباب علي نفسنا كنا فاكرين ان دا ممكن يحل حاجه بس لقينا الاوضة كأن الحيطان بتقفل علينا حسينا ان الاوضه فضلت تصغر لحد ما وصلت لحجم معين مكناش عارفين نقف فيه وكاشفات التليفوناات فصلت ومبقناش شايفين حاجه
..
بننده علي بعض وبنتطمن اننا موجودين ومسكنا بعض احنا التلاته والتليفونات نورت تاني لوحدها ولقينا جثة في كفن في نص الاوضه واحنا قاعدين مش عارفين نتحرك نظرا لان الاوضة صغيره والكفن ابتدا يتحرك وبيتقطع من علي الجثة واحنا بنصرخ من الخوف
ابتديت اقول طب انت عايز ايه احنا مش هندخل هنا تاني بس سيبنا نخرج
الكفن كلو اتشال من علي الجثة ولقينا شخص بشع جدا بيقوم من علي الارض وبيقول
*دخلتم املاكي بدون استئذان تحملو العواقب حتي ارحمكم منها بالموت*
...
وجه خنقنا احنا التلاته معرفش ازاي بقي كل واحد فينا في ايد بتخنقو ..... والتليفونات اتقفلت وسابنا ورجعنا نمسك في بعض تاني ولما التليفون اشتغل لقيت اني مش ماسك في عمر واسلام كل واحد واقف في الركن امال مين اللي ماسكهم ببص جنبي لقيت شخصين شكلهم مرعب جدا وبيضحك كل واحد فينا واقف جنبو اتنين وفجاه كل دا اختفي ولقينا نفسنا برا البيت
..
وحد قالنا لو حكيتم لحد يبقي كدا بتحكمو عليه بالموت معاكم المعاد التاني قريب ودخل البيت والباب اتقفل !!
...
ابتديت اخاف زيهم الفضول خلاني دخلت عالم مكانش ينفع اقرب منو ومش عارف هعدي منها ازاي
...
اتفقنا اننا منعرفش حد ونشوف المعاد الجي هيحصل في ايه عدي كام بدون ما اجيب سيرة لحد مع انهم كانو كل شويه في البيت بيسالوني عن سبب تغيري وانا بحاول اتوه دايما ومجيبش سيرة جه في يوم حصل اللي مكنتش متوقعه
...
لقيت والدي دخل علي الاوضة هو واخويا ومعاهم اتنين تاني معرفهمش وبيربطوني وانا بحاول افك منهم وبعافر لاني مش فاهم اللي بيحصل ومحدش منهم عايز يقول حاجه وبعدها خدوني روحت بيت عمر ولقيت اسلام وعمر قاعدين مربوطين وبيصرخو وبيتصرفو بطرق غريبه وبيقولو كلام مش مفهوم في اللحظة ديه بدأت اعمل زيهم وانا مش عارف اتحكم في تصرفاتي نهائي بزق اللي قدامي وبحاول اقطع الحبل وانا واعي للي بيحصل بس مش عارف اتحكم في نفسي وفي الاخر رموني جنبهم واتثبت معاهم ودخل علينا واحد مجرد ما شوفناه فضلنا نصرخ في وشو وبنقولو
*اطلع برا*
وبدا يقرأ علينا قرآن وبيحط ايده علي راس كل واحد شويه ومكان ما بيحط ايده بحس ان في نار بتطع مكانها بس فجأه عمر فك الحبل اللي اتربط بيه
...
وبيزقهم وضوافر ايده بقي يخربش نفسو وبيقطع في جلده المنظر كان بشع جدا وهو بيقطع في نفسه بيحاولو يلحقوه وكل ما حد يقرب منو يزقو ويكمل تقطيع في نفسه لحد ما غرز ايده في بطنه والارض بقي كلها دم وقع مكانه
كل دا واحنا بنحاول نفك نفسنا من اللي احنا فيه وبنصرخ الشيخ او الشخص اللي بيعاجلنا دا قالهم خدوه من هنا بسرعه وجه كمل علينا مستمر في القراءه واحنا فعلا ابتدينا نهدي بالتدريج االشخص رسم حوالينا دايره وقالهم فكوههم واخرجو برا الدايره بسرعه عملو كدا واحنا قومنا بنحاول نخرج من الدايره مش عارفين اي خطوه بناخدها لبرا بنرجعها تاني رسم
الحاجات اللي علي ضهرنا في الارض وقرأ عليها وابتدي يمسحها تاني وطول ماهي بتتمسح ن علي الارض ضهرنا بيطلع سخونيه غريبه مش قادرين نتحملها ولاحظت علي ضهر اسلام اللي بيتمسح من علي الارض بيتمسح من عليه هو كمان واكيد انا كدا لما اتمسحت كلها احنا هدينا والرسومات اختفت من علينا وبعدها مسح الدايره وبقينا بنتصرف بشكل طبيعي بس للاسف عمر مات من اللي حصل لما كان بيقطع في نفسه ودخل ايده جوا بطنه مفيش اي بني ادم هيتحمل دا ومات وقتها
...
اللي خلاهم عرفو ان عمر حكي لاهله في البيت لما اهلو لاحظو عليه التغيير معرفش يخبي عنهم وحكالهم كل حاجه وبعدها اتصرف بطرق غريبه بيكسر وبيضرب وبيقول *هقتلكو كلكو*
ابوه وقتها اتصل بواحد يعرفو بيحل الحاجات ديه واتصل وبوالدي ووالد اسلام عشان كدا جابونا كل دا اتحكالي بعدها وعمر كان اضعف واحد فينا عشان كدا الجن كان ماثر عليه هو اكتر واحد وكمان هو اللي حكي الموضوع ف حصلو كل دا ومات اتنبه علينا اننا منقربش من البيت دا تاني خالص وكمان منحاولش نقرب من اي حاجه فيها جن.....
*مجرد فضول ممكن يخلينا نخسر حد بنحبه او نخسر حياتنا*
....
انتهت القصة.
تعليقات
إرسال تعليق