قصة بيت مهجور | الجزء الاول

انا يوسف عندي 22 سنه  حكايتي بدأت لما قررت ادخل بيت مهجور ... انا شخص بحب الرعب جدا بتابع دايما اي حاجه فيها رعب كتب روايات افلام رعب حكايات حقيقية كل حاجة ليها علاقة بالرعب بروحلها بدون تردد الحاجه الوحيده اللي كانت ناقصة اني اجرب بنفسي .. بس مكنتش اعرف ان الموضوع هيوصل بيا للدرجة ديه

..

كان في بيت مهجور قريب مني من ساعت ما وعيت علي الدنيا وانا بشوفه من بعيد كنت ببقي عايز ادخل بس مكانش ينفع

..

لحد ما قررت في يوم اتجمع انا وصحابي وندخل مع بعض كان كلو خايف الا انا الحقيقه كنت فرحان

..

جه اليوم اللي اتجمعت فيه انا واسلام وعمر صحابي قربنا من البيت وصحابي خايفين وبيقولو بلاش خصوصا اننا داخلين الساعه 1 بليل بس انا شجعتهم ودخلنا البيت ..... كان مكون من اربع ادوار دخلنا اول دور لفينا في وبعدها التاني والتالت والرابع ...

 ومفيش اي حاجه بيت عادي جدا زي اي بيت بس الفرق ان دا محدش ساكن فيه وفاضي طلعنا فوق السطح وبرضو مفيش حاجه قولتلهم صدقتوني لما قولتلكو انه مش هيحصل حاجه مش عارف كنتو خايفين ليه ..

..

وقولتلهم خلاص يلا نروح نزلنا من فوق السطح واحنا علي السلم سمعت صوت حد بيعيط في الشقة اللي في الدور التاني لقيت اسلام وعمر بيبصولي بخوف وبيشدوني عشان نخرج بس انا قولتلهم مش همشي انا هدخل اشوف الصوت جي منين  عمر قالي تشوف ايه انت مجنون يلا بسرعه...

 بس انا رفضت وقولتلهم لو عايزين تمشو امشو انا داخل مرضيوش يسيبوني لوحدي ودخلو معايا بس كانو بعيد عني بنقرب من مصدر الصوت لقيت بنت قاعده ووشها في الارض وبتعيط  بقيت بقرب منها بحذر وبقولها مالك بتعيطي ليه بس مبتردش ومستمره في العياط لحد ما قربت منها وبقولها انتي مين وجيتي هنا ليه في الوقت دا

..

رفعت وشها وبتقولي

انتو  اللي جيتو هنا ليه

بتتكلم بنبره صوت غريبه مش صوت طفله وبتتكلم بعصبيه وفجاه لقيتها بتتحول لكائن تاني شكلو غريب بقت شخص طويل جدا وشكله بشع كله اسود

 وقتها في ثواني لقيت نفسي بجري واسلام وعمر بيجرو قدامي كانو نزلو قبلي علي السلم وانا بجري ولقيتهم بيصرخو اول ما وصلتلهم ملقناش الباب !!!

 اللي المفروض هنخرج منو الباب كان بدالو حيطه لقيت اسلام بيصرخ وبيقولي فين الباب احنا دخلنا من هنا الباب فين

قولتله اهدا وهنلاقي حل ابتدو يتخانقو معايا ويقولو انت السبب بس الشخص اللي شوفناه فوق جالنا تاني كل واحد فينا طلع يجري منعرفش احنا هنروح منو فين